Lataa pdf-näyte | Ilpo Koskela - Smávva oahpis ráidogovaid sárgumiiSmávva oahpis ráidogovaid sárgumii. 1. sámegielat preanttus 2008. © Illustrašuvdna, teavsttat (jus ii sierra máinnašuvvo) ja bajiloaidnu Ilpo Koskela 2007.ISBN 978-951-9244-54-9. Lappi mánáidkulturfierpmádat, Lappi lihttu 2008. Smávva oahpis ráidogovaid sárgumii –publikašuvnnas vuojulduvvo oanehaččat ja álkit ráidogovvasárguma vuođđoáššiide ideaid duddjoma rájes gitta plánemii, hábmemii, sárgumii ja ivdnema vuođđoteknihkaide. Smávva oahpis ráidogovaid sárgumii suomagielat álgopublikašuvdna lea mánáid kulturguovddáš Sarjis buvttadan oahpisgihpa, mii lea ráhkaduvvon earenoamážit skuvllaid ja rieggáid oahpahusa atnui. Giema mánáidkulturguovddáš Sarjis doaibmá Giemas ja lea oassi riikka dási mánáidkulturguovddáš Taikalamppu-fierpmádaga ovttas Lappi fierpmádaga doaibmiiguin. Oahpahusministeriija ásahan earenoamáš doaibman mánáidkulturguovddáš Sarjisis lea mánáid ráidogovvadoaimma ovddideapmi ja ráidogova sajádaga nannen oahpahusas. Dát oahpis lea dán doaimma oassi. Oahppása duojár Ilpo Koskela lea bargan ráidogovvasárguma oahpaheaddjin Oulu mánáid ja nuoraid dáiddaskuvllas nuppelohkái jagi ja son lea logaldallan ráidogova ja sárguma birra suorggi kurssain ja dáhpáhusain. Koskela ráidogovat leamaš oaidninláhkai suopmelaš ráidogovvabláđiin, áviissain ja áigečállagiin juo njealjádas čuohtejagi áigge ja sus leat olggosaddon buohkanassii vihtta albuma viidosaš ráidogovvamáidnasa. |
